‫#‏وراء_كل_صورة_حكاية‬ :Lord of the ring

‫#‏وراء_كل_صورة_حكاية‬
Lord of the ring 
ههه اكانضحك هد الخاتم توضر ليا و عندو ذكرى زوينة 
واحد النهار فالصيف واحد صاحبي خوه خدام فواحد البيسين مرا مرا ،مراااا مراا كايدي واحد كاندخلو فابور .
موهيم قاليا غدا وجد راسك انمشيو فقت صباح بقيت كانتسنا فيه تعطل بزاف قلت صافي ماغاديش ايجي ، جا و قلت ليه اجي نمشيو عند عبد السلام "الله ارحمو"
ناخدو ماناكلو مشينا عندو لقينا عندو البنايا كايفطرو و الزحام ، تمخشش دري بيناتهم فاللخر جايب لينا pepito ou ok
اناري النهار كامل ناكلو بيمو ماعليناش مشينا على رجلينا لعين الدياب ريحنا كانتسناو فيه اسلتنا ههه بلا ماندخل فالتفاصيل ههههه يخ يخ قلب .
ريحنا فالكراسا و الچور و البورجوازيين و حنا كانبانو منووومرين بيناتهوم ههه حطينا شكايرنا و مشينا كانتلاحو نيشان جبت معايا النضاضر و كانبقا التحت و مامسوقينش لبنادم ،وقت الغدا جابدين بيموات هههه اديسير هادا هههه .
هزيت نضاضر لبستهوم تلاحيت و كانشوف بان ليا خاتم هزيتو طلعت هبطت عاوتاني لقيت الثاني وااااووو ههه لقيت هاذا ليفالتصويرة و التاني عطيتو لدري فيه بوبريص.
سالينا نشطنا راجعين وقفو علينا الشفارا مني منك بان ليهم البلان ماعدنا والو بان ليه الخاتم ، قلتليه شناهوا الخاتم ولله ماتديه ماداهش ورجعنا هانين
اههه نسيت ماقلت ليكم هادي اول مرا نمشي فيها البيسين هههه😊😊😊
ههه شكرا واش نكمل ليكم الفقرة ولا نحبسها ؟